•souvenirs entomologiques
3D Scans by ffish.asia/FloraZia.com, CC0 1.0;
Digital Archive of Natural History (DiNArDa), CC BY 4.0;
University Libraries at Virginia Tech, CC BY 4.0;
Natura Kontserbatzeko Nazioarteko Batasunaren (UICN) arabera, Europako intsektu espezieen laurden bat galtzeko arriskuan dago. souvenirs entomologiques (oroigarri entomologikoak) proiektua hau Berlingo eta Karlsruheko Natur Zientzien Museoekin egindako lankidetzaren emaitza da, eta gainbehera hori digitalizazio-teknologietan oinarritutako artxibo-praktikekin lotzen du egileak. Praktika horiek, paradoxikoki, ekosistemak suntsitzen laguntzen dute beren energia-kontsumoagatik eta CO2 emisioengatik, eta, aldi berean, sistema bizien gaineko begirada estraktibista eta koloniala betikotzen dute, datu-paketeetara murrizten baitituzte.
Intsektuek metal astunak eta substantzia toxikoak pilatzen dituzte beren gorputzetan, eta bioadierazle gisa erabili ohi dira, ingurumen-aldaketekiko duten sentsibilitate handiagatik. Egiazko intsekturik gabeko etorkizunean, haien mamu-pertsonifikazioak –argazkietatik abiatuta hiru dimentsioko irudikapenak sortzen dituen fotogrametria bezalako teknikak erabiliz eginak– desagertutako mundu baten aztarna gisa geratuko dira, eta gizatasunean hain zentratuta ez dagoen ikuspegi batetik behatzeko gonbidapen gisa.
•
1982an jaioa, Sybille artista interdependente eta ikertzaile post-disziplinarioa da, ingurumen-gaietan eta ekologia-harremanetan zentratua. Bere indusketa narrazio eraldatzaileen, errotze-moduen eta justizia sozial, ekologiko eta espezie anitzekoaren aldeko ekintza kolektiboetan oinarritzen da. Neumeyerren lana gizakiekin eta ez-gizakiekin izandako elkarrizketa eta lankidetzetan oinarritzen da. Narrazio polifoniko (hi)storikoen eta kontaketen, instalazioen, hitzaldi performatiboen eta bideo-entseguen bidez, lurreko komunitateak, metabolismo planetarioak eta espezie anitzeko atmosferak aztertzen ditu. Langile kultural gisa, parte-hartze jarduerak ere antolatzen eta ematen ditu ikaskuntza kolektiborako (eta desikaskuntzarako), hala nola ibilaldiak, tailerrak eta irakurketa taldeak. Sybille Neumeyerren lana LABoral Gijónen, Heidelberger Kunstvereinen, Charité Berlinen, Art Laboratory Berlinen, Onassis Stegin, EXiS Film Festival Seoulen, Kunsthaus Dresdenen, ZKM Karlsruhen eta DESY Hamburgon erakutsi da. 2014an, Aesthetica Arte Nazioarteko Saria jaso zuen. Gaur egun, Arte eta Zientzien Ikasketa Aurreratuen Zentroan graduondoko bekaduna da, Berlingo Arte Unibertsitatean.
Kanpoko erakusketa
•Sybille Neumeyer
•souvenirs entomologiques
11 zenbakia mapan
Lekua: Gasolindegi zaharra
Helbidea: Algortako etorbidea 74, Algorta
Ordutegia: 24 ordu
