•Hermes/Unesco
Hermes/Unesco irudiaren bidezko antropologia espekulatiboko proiektua da, antzinako zibilizazioen ondarean inspiratuta adimen artifizialek asmatutako objektuen katalogoa. Ariketa bisual retrofuturista, galdetzen duena ea zer gertatuko litzaiokeen artearen historiari adimen artifizialen remix bat egingo balitzaio.
Proiektuak UNESCOren Gizateriaren Ondarea bildumako katalogoetatik ateratako maskara, eskultura, ikono eta totemetatik sortutako 999 argazki biltzen ditu, beren artean Midjourney programarekin konbinaturik. “Nolakoa izango litzateke Ozeaniako ontzi baten eta 200 urte lehenago Mendebaldeko Afrikan egindako maskara baten arteko topaketa? Edo erromatar busto bat Sumerko buztinezko irudi batekin nahastuta?”, galdetzen du artistak. Testua edo irudia izan, AAk errepikapenarekin entrenatzen dira; forma eta eduki ohikoenak identifikatzen dituzte, eta erreplikatu egiten dituzte sintesia sortzeko. Sortu baino gehiago, birsortu, birnahastu eta mimetizatu egiten dute. Hermes/Unescoren irudiak fikziozkoak dira, baina Internet bezalako gizateriaren artxibo handi horretako patroi hedatuenak islatzen dituzte. Ausazkotasun-itxura izan arren, kultur hegemoniaz eta kontakizun zibilizatzaile batzuk beste batzuen gainean inposatzeaz hitz egiten digute. Martín Bollati egileak gogoratzen duen moduan, Hermes komunikazioaren jainko greziarra zen, baina baita lapurretarena ere.
•
Buenos Airesen (Argentina) 1986an jaioa, Martín artista bisuala, editorea eta irakaslea da. SED eta 0/0 argitaletxen sortzaile eta zuzendaria da. Bere lanean argazkigintzaren eta fikzioaren arteko harremana ikertzen du, bereziki argazkigintzaren eta haren egituraren ertzetan dauden diskurtso-gaitasunetan arreta jarrita. Martínek hainbat liburu argitaratu ditu: A kind of loop (Riot Books), La forma bruta (Cadizko Unibertsitatea), Vacant dream state (280a), Para descripción una flor (Raya Argitaletxea) eta Ruinas sin título, Aguas vivas, Texto Nazi, Hermes/Unesco eta El mundo es un tubo (SED Argitaletxea). Bakarkako erakusketak egin ditu Beijingo 3. Argazki Bienalean, Buenos Aireseko Kirchner Kultur Etxean, Madrilgo Zero Galerian eta Mexiko Hiriko Hydra Galerian, besteak beste. 2014an Roberto Villagraz XI. Martínek Madrilgo EFTI Eskolan Argazki kontzeptuala masterra egiteko beka jaso zuen, eta 2017an Latinoamerikako irudi-liburu Onenaren Saria irabazi zuen Mexikoko Coloquios Latinoamericanos de Fotografía-en, editore gisa egindako lanagatik. 2018an, Art Trail Tesla saria irabazi zuen Amsterdamgo Unseen Festival jaialdian 280a kolektiboarekin batera. Urte horretan, bere lana British Journal of Photography aldizkariko Ones to watch aldizkariaren parte izan zen.
Kanpoko instalazioa
•Martín Bollati •Hermes/Unesco
3 zenbakia mapan
Lekua: Gizarte Zerbituak
Helbidea: Urgull kalea z/g, Algorta
Ordutegia: 24h
