Info orokorra

2021eko irailaren 2tik 26ra. Doako sarrera

Getxophoto Nazioarteko Irudi Jaialdia Getxon egiten da. Hirian zehar paseatzeko eta erakusketetan zehar ordu gutxitan ikusi ahal izateko pentsatuta dago. Nagusiki aire zabalean kokatutako instalazio eta erakusketak dira, eta horregatik ikusleek hauek ikusteko eta erritmoa aukeratzeko askatasuna dute.

Getxophoto hirian zehar paseatzeko eta erakusketak presa barik ikusteko diseinatuta dago.

Garraio publikoan, bizikletan edo oinez etortzea gomendatzen dizugu. Dena oinez oso hurbil dago.

Erakusketa guztiak, erritmo erosoan, gutxi gorabehera 3 ordutan ikus ditzakezu.

Erakusketa gehienak kalean daude eta edozein ordutan ikus daitezke.

Areto itxietako erakusketak ikusteko, ordutegiak aldez aurretik begiratu.

Info Puntua Algortako metro geltokitik 250 metrotara baino ez dago.

Autoz bazatoz, jakizu Algorta ordainpeko gunea dela, beraz hobe duzu Ereagako hondartzan edo Portu Zaharrean (doan) aparkatzea.

Getxora iristeko modu ezberdinei buruzko informazioa hemen.

Ereagako hondartzan Getxoko Turismo Bulegoa dago. Hiriari buruzko informazio eta plan osagarriak aurkituko dituzu hantxe.