Open Call 2020

GETXOPHOTOk mundu guztiko artista bisualak deitzen ditu bere hamalaugarren edizioan proposatutako gaiari buruzko haien ikuspuntua partekatzera: Kalera!

Kaleak oinarrizko protagonismoa hartu du gizarte global garaikidean. Bere pribatizazioaren eta homogenizazioaren kontra, espazio publikoa –fisikoa zein onlinekoa– etengabeko erresistentzian bizi da jolastu, proposatu, protesta egin eta gaur egun aurrean ditugun erronka eta kezkei erantzuna eman diezaieken ideiak eztabaidatzeko leku izaten jarraitzeari eutsi nahian. Funtsezko gaiak, hala nola larrialdi klimatikoa, gatazka politikoak, krisi ekonomikoa edo identitate borrokek espazio publikoan egiten dute bat, haien eraginez baztertutako pertsona guztiekin batera. Aldi berean, kalea harreman, egoera eta aukera kultural berriak sortzeko esparru nagusi aldarrikatu da.

Hau guztiagatik espazio publiko fisiko zein onlinekoa esploratzea proposatzen dugu, espazio hau protestarako gaurkotutako eszenatoki bezala, ikustezin bihurtutako pertsonen presentziarako leku, topaleku eta elkar ezagutza gune, eta esperimentazio, jolas eta ospakizunerako esparru bezala ulertua.

GETXOPHOTO bere 14 urtetatako ibilbidean gai unibertsalak jorratu izan dituen jaialdia da. Helburua: Getxoko biztanleak zein bisitari ugariek ez-ohizko erakusketa eta instalazioen bitartez gai horien inguruan hausnartu eta gogoeta egitea. Horregatik hain zuzen ere, mundu osoko artistak honako deialdian parte hartzera gonbidatzen ditugu, argazkilaritza, bideoa, instalazioa, performance-a, ekintzak, arte digital edota beste motatako adierazpen euskarriak erabiliz.

Epaimahaia


Mirjam Kooiman, Arte historialaria eta FOAM-eko komisarioa
FOAMeko hainbat erakusketen arduradun, Mexiko, Nigeria eta Indonesiako hainbat argazkilaritza plataformekin kolaboratzen du FOAM 3h programaren barne, mundu osoko argazkilaritzaren inguruko ezagupenen harremanak sustatuz. Argazkilaritzak alegiazko errealitate, adimen artifizial, gaming eta online esperientzietan nola islatzen den ikertzen du. L’Internationale, Something We Africans Got edota Migrant Journal-en idatzi du, eta FOAM Magazine-n ohiko kolaboratzailea da.



Sarah Leen, National Geographic Magazine-ko argazki zuzendari-ohia
20 urtez National Geographic Magazine-rako argazkilari freelance bezala egin zuen lan, 2004ean Argzki Editore Senior bezala lantaldera batu zen arte, eta 2013an lehenengo Argazki Zuzendari emakumea bilakatu zen. Hainbat lehiaketaren eta portfolio azterketen epaile izan da, hala nola Lens Culture, Photo Lucida, The FotoEvidence Book Award, Carmignac Award edota New York Times Magazine Portfolio Reviews-en. Argazkilaritza eta irudien edizioa irakasten du.

Emma Lewis, TATE-ko komisario laguntzailea
Dora Maar erakusketa eta Fast Forward: How do Women Work? izeneko nazioarteko konferentzia Izan dira bere azken proiektuak. Tate Modern-eko Erosketa Batzordeko komisario laguntzaile gisa, Tate-ren bildumako argazkiak identifikatzeaz arduratzen da. Emmak erakusketen katalogo ugaritan lagundu du, Haley Morris-Cafiero eta Noémie Goudal artisten monografiak eta Understanding Photography (Bloomsbury / Rizzoli 2017) liburuen egilea ere bada.

Jon Uriarte , GETXOPHOTOko zuzendari artistikoa eta The Photographers’ Gallery-ko komisario digitala
Argazkilaritza ikasi zuen Bartzelonan eta Nueva Yorkeko ICP-n. PhotoEspaña eta Madrilgo Europear Unibertsitatearen master bat gauzatu zuen Proiektu eta teoria artistikoetan. Bere lana zentro eta galeria ugaritan egon da ikusgai, bakarkako eta talde erakusketetan, Madrilen, Donostian, Nueva Yorken, Berlin edo Bartzelonan esaterako. Widephoto plataforma independientearen fundatzailea izan zen, eta hiru urtez Foto Colectaniaren DONE kontzeptualizatu eta koordinatu zuen. Egun Londresen bizi da, non The Photographers’ Galleryn komisario digital moduan lanean hasi den.

2019ko Open Call-aren Irabazleak

Haley Morris-Cafiero – The Bully Pulpit

Jaakko Kahilaniemi – Past-it

Federico Estol – Héroes del brillo

Claudia Gori – The Sentinels: Electrosensitivity in Italy

Ezio D’Agostino – NEOs

2018ko Open Call-aren irabazlea

Max Pinckers, Margins of Excess

Laguntzailea